مەملەكەت باسشىسى قاسىم-جومارت توقاەۆ اقوردا رەزيدەنتسيياسىندا وبلىستاردىڭ جەنە نۇر-سۇلتان, الماتى, شىمكەنت قالالارىنىڭ ەكٸمدەرٸمەن كەڭەس ٶتكٸزدٸ, دەپ حابارلايدى اقوردانىڭ باسپاسٶز قىزمەتٸ.
جيىن بارىسىندا ٶڭٸرلەردٸڭ ەلەۋمەتتٸك-ەكونوميكالىق دامۋىنا قاتىستى ٶزەكتٸ مەسەلەلەر تالقىلاندى.
پرەزيدەنت ٷكٸمەت پەن ەكٸمدەرگە ەلەۋمەتتٸك-ەكونوميكالىق مەسەلەلەردٸ جەدەل شەشۋ جەنە حالىقتىڭ ەل-اۋقاتىن ارتتىرۋ جٶنٸندە شارالار كەشەنٸن قابىلداۋدى تاپسىردى.
قاسىم-جومارت توقاەۆ جاڭا قازاقستاندى قۇرۋ ستراتەگيياسى اياسىندا ساياسي رەفورمالاردىڭ كەزەكتٸ توپتاماسىن ٸسكە اسىرۋ بويىنشا بٸرقاتار مٸندەت جٷكتەدٸ.
اتاپ ايتقاندا, ەكٸمدەر ازاماتتارمەن جۇمىس ٸستەۋ تەرتٸبٸن قايتا قاراۋى كەرەك, سونداي-اق اۋدان جەنە اۋىل تۇرعىندارىمەن جيٸ كەزدەسٸپ, ولاردى مازالاعان مەسەلەلەردٸ شەشۋٸ, قوعام سەنٸمٸن ارتتىرۋى قاجەت.
ٷكٸمەت پەن ەكٸمدٸكتەرگە جۇمىسسىزدىق دەڭگەيٸن تٶمەندەتۋ, كەسٸپكەرلٸكتٸ دامىتۋ, جاڭا جۇمىس ورىندارىن اشۋ جٶنٸندە جٷيەلٸ شارالار قابىلداۋعا تاپسىرما بەرٸلدٸ.
كەڭەس قورىتىندىسى بويىنشا مەملەكەت باسشىسى وبلىستاردىڭ جەنە رەسپۋبليكالىق ماڭىزى بار قالالاردىڭ ەكٸمدەرٸنە بٷگٸنگٸ قازاقستان حالقىنا ارنالعان جولداۋدا جٷكتەلگەن مٸندەتتەردٸ ساپالى جٷزەگە اسىرۋ جٶنٸندە تاپسىرما بەردٸ.
