Memleket basshysy jumys saparynyń baǵdarlamasyna sáikes Almaty qalasyndaǵy mańyzdy arhitektýralyq eskertkishterdiń biri – Oqýshylar saraiyn aralap kórdi, - dep habarlaidy "Ult aqparat" Aqordaǵa silteme jasap.
Prezidentke ǵylym-bilim ortalyǵyn qaita qalpyna keltirýdiń jáne jańǵyrtýdyń alǵashqy kezeńiniń nátijeleri men jospary týraly málimet berildi. Sondai-aq Almaty qalasy ákimdiginiń balalardyń bos ýaqytyn tiimdi ótkizýge jaǵdai jasaý úshin atqaryp jatqan jumystary jóninde aityldy.
Sodan keiin Qasym-Jomart Toqaev balalardyń kórkem shyǵarmashylyq jumystarynyń kórmesimen jáne Saraidyń jańa innovatsiialyq qyzmetimen tanysty.
Memleket basshysy biologiia jáne neirotehnologiia, gidroponika, 3D modeldeý jáne robot jasaý zerthanalaryn, sondai-aq animatsiia, dybys jazý, bilim berý mediajobalaryna arnalǵan stýdiiany aralap kórdi.
Memleket basshysy oqýshylarmen áńgimelesti jáne olardy Naýryz merekesimen quttyqtady.
Prezident balalarǵa syilyqtar tartý etti, sonyń ishinde mobildi qurylǵy arqyly basqarylatyn sońǵy úlgidegi oqý teleskopyn syiǵa tartty.
Sondai-aq Qasym-Jomart Toqaev Oqýshylar saraiyna avtobýs syilady.
