Memleket basshysy Respýblikalyq biýdjettiń atqarylýyn baqylaý jónindegi esep komitetiniń tóraǵasy Natalia Godýnovany qabyldady, – dep habarlaidy Aqordanyń baspasóz qyzmeti.
Qazaqstan Prezidentine elimizdegi koronavirýs pandemiiasyna qarsy kúres sharalaryna bólingen qarjynyń jumsalýyna monitoring júrgizý jumystary jaiynda baiandaldy. Esep komiteti basshysynyń aitýynsha, qarjy shyǵyndaryn baqylaý eki kezeńnen turady.
Birinshi kezekte Qarjy ministrligimen birlesip, memlekettik satyp alýlar men kameralyq baqylaýǵa tekseris júrgiziledi.
Ekinshi kezeńde Esep komiteti elimizdiń 17 óńirine biýdjettik baǵdarlamalardyń ákimshilerine reviziia jasaidy.
Qasym-Jomart Toqaev densaýlyq saqtaý salasyna, Jumyspen qamtý jol kartasyn júzege asyrýǵa, halyqtyń áleýmettik álsiz toptaryn qoldaýǵa baǵyttalǵan biýdjet qarjysynyń maqsatty jumsalýyn qamtamasyz etý jumystaryn jalǵastyrýdy jáne tekseris nátijeleri týraly turaqty túrde esep berip turýdy tapsyrdy.
Sonymen qatar Memleket basshysy 2019 jylǵy respýblikalyq biýdjettiń atqarylýy jaiyndaǵy qorytyndy esebimen tanysty. Esep komiteti birinshi ret biýdjettiń jiyntyqtalǵan qarjylyq esebi boiynsha aýdit júrgizgen bolatyn.
Kezdesý qorytyndysy boiynsha Prezident birqatar naqty tapsyrma berdi.
