Memleket basshysy Qasym-Jomart Toqaev Densaýlyq saqtaý ministri Aleksei Tsoiǵa Ańsar Nurjanov esimdi bulshyqet distrofiiasymen syrtqattanǵan balaǵa kómektesýdi tapsyrdy, dep habarlaidy "Ult aqparat".
Bul týraly ministr Facebook paraqshasynda jazdy.
«Memleket basshysy Qasym-Jomart Kemeluly Toqaev Ańsardyń anasynyń jariialaǵan jazbasyna nazar aýdardy. Men Áselmen (Ańsardyń anasy) telefon arqyly sóilestim. Balany emdeýdiń boljamdy nusqalaryn talqyladyq. Qaraǵandy oblysynyń Densaýlyq saqtaý basqarmasynyń basshysy búgin Ańsarmen kezdesedi, onyń emdelýine kómektesedi», - dedi ministr jelidegi paraqshasynda.
Aita ketsek buǵan deiin qaraǵandylyq jas balanyń anasy kópten kómek surap, Instagram paraqshasynda birneshe ret jazba jariialaǵan edi.
Jazbalarynyń birinde ol tipti portýgaliialyq fýtbolshy Krishtianý Ronaldýǵa da kómek surap júgingen.
Qaraǵandylyq Ańsar Nurjanov bir kezderi densaýlyǵynda aqaý joq, on eki múshesi saý bala bolǵan. Alaida keiin ózinen-ózi shalynyp qulai beretin jaǵdaiǵa dýshar bolǵan. Qaýipti dert jas balanyń búkil bulshyqet jumysyna zaqym keltirgen.
