Foto: Akorda.kz
Memleket basshysynyń Aqtóbe oblysyna jumys sapary Mártók aýdany Sarjansai aýylyndaǵy sport kesheniniń jumysymen tanysýdan bastaldy, dep habarlaidy "Ult aqparat" Aqordanyń baspasóz qyzmetine silteme jasap.
Bul nysannyń jalpy aýmaǵy 1048 sharshy metrdi quraidy. Munda sporttyń birneshe túri boiynsha úiirmeler jumys isteidi.
Qasym-Jomart Toqaev erkin kúres zaly men shaǵyn fýtbol alańyn aralap kórdi.
Prezident sport kesheninde jas sportshylarmen kezdesti. Áńgimelesý barysynda Qasym-Jomart Toqaev sportpen shuǵyldanýdyń mańyzdylyǵyna nazar aýdardy. Sport adamnyń kózqarasyn túzeidi. Ásirese jastarǵa kúsh-jiger beredi.
Sondai-aq Memleket basshysy fýtbolǵa qoldaý kórsetiletinine toqtalyp, atalǵan sport túriniń bolashaǵyna senimmen qaraitynyn jetkizdi.
