فوتو: Akorda.kz
مەملەكەت باسشىسىنىڭ اقتٶبە وبلىسىنا جۇمىس ساپارى مەرتٶك اۋدانى سارجانساي اۋىلىنداعى سپورت كەشەنٸنٸڭ جۇمىسىمەن تانىسۋدان باستالدى, دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
بۇل نىساننىڭ جالپى اۋماعى 1048 شارشى مەتردٸ قۇرايدى. مۇندا سپورتتىڭ بٸرنەشە تٷرٸ بويىنشا ٷيٸرمەلەر جۇمىس ٸستەيدٸ.
قاسىم-جومارت توقاەۆ ەركٸن كٷرەس زالى مەن شاعىن فۋتبول الاڭىن ارالاپ كٶردٸ.
پرەزيدەنت سپورت كەشەنٸندە جاس سپورتشىلارمەن كەزدەستٸ. ەڭگٸمەلەسۋ بارىسىندا قاسىم-جومارت توقاەۆ سپورتپەن شۇعىلدانۋدىڭ ماڭىزدىلىعىنا نازار اۋداردى. سپورت ادامنىڭ كٶزقاراسىن تٷزەيدٸ. ەسٸرەسە جاستارعا كٷش-جٸگەر بەرەدٸ.
سونداي-اق مەملەكەت باسشىسى فۋتبولعا قولداۋ كٶرسەتٸلەتٸنٸنە توقتالىپ, اتالعان سپورت تٷرٸنٸڭ بولاشاعىنا سەنٸممەن قارايتىنىن جەتكٸزدٸ.
