Parlament Májilisiniń Zańnama jáne sot-quqyqtyq reforma komitetiniń tóraǵasy Qanat Mýsin Prezidentti jeti jylǵa sailaý týraly ózgeris ne úshin engizilgenin túsindirdi, - dep habarlaidy Massaget.kz.
Bul týraly Qanat Mýsin Parlament palatalarynyń birlesken otyrysynda aitty.
"Memleket basshysy saiasi basymdyqty boldyrmaý jóninde saiasat júrgizip jatyr. Bul saiasi básekelestikti arttyrýǵa múmkindik beredi. Prezident ókilettiginiń jeti jyldyq merzimi bul prezidenttiń baǵdarlamasyn iske asyrý jáne jalpyulttyq damýdyń strategiialyq mindetterin sheshýdi qamtamasyz etý úshin jetkilikti merzim dep sanaimyz. Sondyqtan osy norma zań jobasyna engizilgen", - dep túsindirdi Qanat Mýsin.
Eske salaiyq, Prezident Qasym-Jomart Toqaev 1 qyrkúiektegi halyqqa Joldaýynda biylǵy kúzde kezekten tys prezident sailaýyn ótkizýdi usynǵan bolatyn. Sonymen qatar, prezident mandatyn uzaqtyǵy 7 jyldyq bir merzimmen shekteýdi usyndy. Biraq qaita sailanýǵa tyiym salynady.
