Prezidenttiń «Abai jáne HHI ǵasyrdaǵy Qazaqstan» maqalasyndaǵy mańyzdy ári taǵylymdy tustaryn qoǵamda keńinen túsindirý kerek.
Bul týraly filologiia ǵylymdarynyń doktory, professor Raqymjan Turysbek aitty, dep habarlaidy QazAqparat.
«Prezidenttiń Hakim Abai týraly Bas basylymdaǵy maqalasymen tanystym. Gazettik nusqasyn qolyma alyp, astyn syzyp jiti oqydym. Əsirese, aqyn mereitoiyn laiyqty atap ótýdiń baǵyttary, júiesi, joldary anyq kórsetiledi. Abaidyń el tarihy men rýhaniiatyna óshpes iz qaldyrǵany barshaǵa aian. Sondyqtan Abai əleminiń biregei qubylys ekendigi atap ótiledi. Budan basqa, Abai shyǵarmalarynan úzindi oqý estafetasyna, onyń ózektiligine, taǵylymdy tustaryna mən beriledi. Abai shyǵarmalarynyń bilim berý men tərbieleý isindegi ornyna, ərtúrli ónerdi, onyń ishinde til úirený baǵytyna basymdyq qoiylǵan. Mańyzdysy, Abai armany - halyq armany ekendigi aiqyn ańǵarylady. Maqalanyń mańyzdy həm taǵylymdy tustary osynda dep bilemin», - dedi Raqymjan Turysbek.
Osy oraida professor Memleket basshysy maqalysyndaǵy taǵylymdy usynystar men bastamalardy qoǵamda keńinen túsindirý kerektigin atap ótti.
Aita keteiik, Qasym-Jomart Toqaevtyń «Abai jáne HHI ǵasyrdaǵy Qazaqstan» atty maqalasy «Egemen Qazaqstan» basylymynyń búgingi sanynda jariialandy.
«Ótken jyly Abaidyń shyǵarmalarynan úzindi oqý estafetasy ótti. Láilim atty oqýshy qyz usynǵan bul eldik sharaǵa men de qatysyp, qoldaý kórsettim. Mektep oqýshylarynan el azamattaryna, tipti, álemdik deńgeidegi tanymal tulǵalarǵa deiin zor qyzyǵýshylyq tanytyp, lezde ilip áketken bul bastama birneshe aiǵa ulasty. Sonyń arqasynda búkil Qazaqstan Abai murasyn taǵy bir zerdelep shyqty. Bul – Abaiǵa degen qurmet ári urpaqty tárbieleýdiń tiimdi tásili. Abai jyrlaryn oqý chellendji biyl, aqyn mereitoiy tusynda jańasha jandanady dep senemin», - dep atap ótti Prezident óz maqalasynda.
