Qazaqstandyq salalyq bilim jáne ǵylym qyzmetkerleri kásipodaǵynyń tóraiymy Aigúl Muqasheva Memleket basshysy Qasym-Jomart Toqaevtyń «Abai jáne HHI ǵasyrdaǵy Qazaqstan» atty maqalasyna qatysty pikir bildirdi, dep habarlaidy QazAqparat.
«Prezident Qasym-Jomart Toqaevtyń «Egemen Qazaqstan» gazetinde jaryq kórgen «Abai jáne HHI ǵasyrdaǵy Qazaqstan» maqalasynda elimizde bilim berý salasyn zamanǵa sai damytýymyz kerektigin atap ótti. Bul rette salada aýqymdy jumystar atqarylǵanymen, otandyq bilim berý isinde áli de olqy tustar baryn tilge tiek etti», - deidi Aigúl Muqasheva.
«Pedagog mártebesi týraly» zańnyń qabyldanýy – osy baǵyttaǵy igi bastamalardyń biri. Bul – sapaly bilim berý isin jetildirýge arnalǵan qadam. Jalpy, kez kelgen qoǵamda ustazdyń orny bólek. Muǵalimder bilimdi ári sanaly urpaq tárbieleý isinde asa mańyzdy ról atqarady. Ustazǵa qurmet kórsetip, qadirleý – bárimizdiń mindetimiz. Sondyqtan memleket muǵalim mamandyǵynyń mártebesin kóterip, alańsyz jumys isteýine jaǵdai jasaýy kerek» delingen maqalada.
«Prezidenttiń Ustaz mártebesin kóterýge osylai airyqsha nazar aýdarǵany jańadan qabyldanǵan «Pedagog mártebesi týraly» zańymyzdy iske asyrý kezinde asa mańyzdy dep esepteimin. Salalyq bilim kásipodaǵy Prezident tapsyrmasynyń oryndalýy maqsatynda júieli jumys júrgizedi», - deidi Qazaqstandyq salalyq bilim jáne ǵylym qyzmetkerleri kásipodaǵynyń tóraiymy.
