Prezidenttiń «Abai jáne HHI ǵasyrdaǵy Qazaqstan» atty maqalasynda ultymyzdy alǵa jeteleitin mańyzdy bastamalar kóterilip otyr. Bul týraly Túrki keńesi Aqsaqaldar keńesiniń múshesi, túrkolog, professor Ádil Ahmetov málim etti, dep habarlaidy QazAqparat.
«Memleket basshysynyń «Abai jáne HHI ǵasyrdaǵy Qazaqstan» atty maqalasy óte tarazylanǵan, tereń taǵylymdy maqala bolyp shyǵypty. Óitkeni bul jai ǵana quǵaq sóz emes, Abaidy tereń zerttep, zerdelegen. Ult sanasynyń jańǵyrýyna bailanysty Abai bir ǵasyr buryn barlyǵyn tyńǵylyqty aityp ketken. Sonyń barlyǵyn Qasym-Jomart Kemeluly naqty mysaldarmen tiianaqtap, dáleldep jazypty. Osy oraida Abaidyń shyǵarmalary ulttyq sanany saqtaýdyń, jańǵyrtýdyń naǵyz ózegi bolý kerek degen oi tur arǵy jaǵynda», - dep toqtaldy Ádil Ahmetov.
Osy oraida ol Prezidenttiń Abaidy túsinip, zerttep ári taǵylym ala otyryp oqý kerek degen úndeýine barsha qoǵam nazar aýdarý kerektigin atap ótti.
«Pedagog mártebesine de erekshe ekpin qoiylyp otyr. Qazirgi kezde bul baǵytta ońtaily qadamdardy baiqap otyrmyz, iaǵni ustazdardyń eńbekaqysyn kóterý, artyq jumystan bosatý, yntalandyrý sharalarymen qamtý sekildi qajetti jumystar iske asyrylýda. Bul turǵyda Memleket basshysy saladaǵy kemshilikterdi joiýǵa airyqsha ekpin qoiyp otyr. Munymen qosa, Qasym-Jomart Toqaev maqalasynda til úirenýge qatty mán berilgen», - dep túsindirdi professor.
Sonymen qatar Á. Ahmetov Prezidenttiń popýlistik ideialarǵa qatysty aitqan pikirine toqtaldy.
«Memleket basshysy álemniń túkpir-túkpirinde tek jalań urandar arqyly bilikke jetkisi keletin popýlister týraly pikirin bildirdi. Bul másele eshqandai jaýapkershiligi joq, synaýǵa áýes adamdarǵa qatysty bolyp otyr. Osy oraida popýlizmnen saq bolýymyz kerek, iaǵni bul teris tendentsiia ǵoi»,- dedi belgili túrkolog.
Ǵalymnyń atap ótýinshe, Prezidenttiń qazaqtyń bitim-bolmysyn, mádenietin shetelge Abai arqyly tanytý bastamasy óte mańyzdy.
«Jalpy, Qasym-Jomart Toqaev óz maqalasynda mańyzdy taqyryptardy qamtyǵan. Bul tyńǵylyqty saralanǵan maqalamen árbirimiz oqyp shyǵýymyz kerek dep olaimyn. Osy oraida ultymyzdy alǵa jeteleitin jaqsy úderis bastalǵaly turǵanyn ańǵarýǵa bolady. Sondyqtan Prezident bastamalaryna ózim riza bolyp otyrmyn», - dedi Ádil Ahmetov.
Aita keteiik, Qasym-Jomart Toqaevtyń «Abai jáne HHI ǵasyrdaǵy Qazaqstan» atty maqalasy «Egemen Qazaqstan» basylymynyń búgingi sanynda jariialandy.
