Qasym-Jomart Toqaev Nazarbaev ziiatkerlik mektebiniń oqýshylarymen aýqymdy dombyra sabaǵyn ótkizgen Qazaqstan Respýblikasynyń eńbek sińirgen mádeniet qairatkeri Aitjan Toqtaǵanǵa alǵys hat joldady, - dep habarlaidy "Ult aqparat" Aqorda saityna silteme jasap.
"Halyq murasyn nasihattaý jáne úiretý isine bel sheshe kirisip, kópshilikke belgisiz týyndylardy notaǵa túsirip, olardyń avtorlaryn anyqtaýǵa atsalysyp kelesiz. San jylǵy zertteý jumystaryńyzdyń nátijesi ispetti eńbekterińiz qazirgi tańda mýzyka mektepteri men oqý oryndarynda oqýlyq retinde qoldanylyp júr. Al Nazarbaev ziiatkerlik mektebiniń myńnan astam oqýshysy qatysqan dombyra sabaǵyńyz óskeleń urpaqtyń ulttyq kúi ónerine qyzyǵýshylyǵyn arttyryp, bilimin tereńdetken mańyzdy sharalardyń biri boldy. Ulttyq ónerdi ulyqtaýǵa baǵyttalǵan bul mádeni is-shara Ginnes rekordtar kitabyna enedi dep senemin", - delingen alǵys hatta.
Eske salaiyq, Nazarbaev intellektýaldyq mektebiniń 1032 oqýshysy tórt kúi oryndap shyqqan bolatyn. Endi mektep oqýshylary Ginness rekordtar kitabyna enbek.
