قاسىم-جومارت توقاەۆ نازارباەۆ زيياتكەرلٸك مەكتەبٸنٸڭ وقۋشىلارىمەن اۋقىمدى دومبىرا ساباعىن ٶتكٸزگەن قازاقستان رەسپۋبليكاسىنىڭ ەڭبەك سٸڭٸرگەن مەدەنيەت قايراتكەرٸ ايتجان توقتاعانعا العىس حات جولدادى, - دەپ حابارلايدى "ۇلت اقپارات" اقوردا سايتىنا سٸلتەمە جاساپ.
"حالىق مۇراسىن ناسيحاتتاۋ جەنە ٷيرەتۋ ٸسٸنە بەل شەشە كٸرٸسٸپ, كٶپشٸلٸككە بەلگٸسٸز تۋىندىلاردى نوتاعا تٷسٸرٸپ, ولاردىڭ اۆتورلارىن انىقتاۋعا اتسالىسىپ كەلەسٸز. سان جىلعى زەرتتەۋ جۇمىستارىڭىزدىڭ نەتيجەسٸ ٸسپەتتٸ ەڭبەكتەرٸڭٸز قازٸرگٸ تاڭدا مۋزىكا مەكتەپتەرٸ مەن وقۋ ورىندارىندا وقۋلىق رەتٸندە قولدانىلىپ جٷر. ال نازارباەۆ زيياتكەرلٸك مەكتەبٸنٸڭ مىڭنان استام وقۋشىسى قاتىسقان دومبىرا ساباعىڭىز ٶسكەلەڭ ۇرپاقتىڭ ۇلتتىق كٷي ٶنەرٸنە قىزىعۋشىلىعىن ارتتىرىپ, بٸلٸمٸن تەرەڭدەتكەن ماڭىزدى شارالاردىڭ بٸرٸ بولدى. ۇلتتىق ٶنەردٸ ۇلىقتاۋعا باعىتتالعان بۇل مەدەني ٸس-شارا گيننەس رەكوردتار كٸتابىنا ەنەدٸ دەپ سەنەمٸن", - دەلٸنگەن العىس حاتتا.
ەسكە سالايىق, نازارباەۆ ينتەللەكتۋالدىق مەكتەبٸنٸڭ 1032 وقۋشىسى تٶرت كٷي ورىنداپ شىققان بولاتىن. ەندٸ مەكتەپ وقۋشىلارى گيننەسس رەكوردتار كٸتابىنا ەنبەك.
