Memleket basshysy Qasym-Jomart Toqaev «Lancaster Group Kazakhstan» holdingi direktorlar keńesiniń tóraǵasy Berik Qanievti qabyldady, dep habarlaidy "Ult aqparat" Aqordaǵa silteme jasap.
Kezdesý barysynda Qazaqstan Prezidentine kompaniianyń sport, bilim berý jáne ekologiia salalaryndaǵy iske asyrylyp jatqan jobalary tanystyrylyp, holdingtiń pandemiiaǵa qarsy kúreske qosqan úlesi týraly baiandaldy.
Atap aitqanda Berik Qaniev Qasym-Jomart Toqaevqa balalar men jasóspirimder fýtbolyna jan-jaqty qoldaý kórsetý, jattyǵý ortalyqtarynyń infraqurylymyn jaqsartý jáne bapkerler quramynyń biliktiligin arttyrý maqsatynda qurylǵan «Jas Qyran» fýtbol ligasynyń jetistikteri týraly aitty.
Memleket basshysyna Qazaqstandaǵy innovatsiialyq jekemenshik mektepter jelisi – «Quantum STEM Schools» jobasynyń júzege asyrylýy jóninde málimet berildi. Atalǵan oqý orny Singapýr men AQSh elderiniń ozyq tájiribesi negizinde bilim berýdi kózdeidi.
Qasym-Jomart Toqaevqa Almaty qalasynyń ekologiiasyn jaqsartý maqsatymen qurylǵan «AirVision.kz» qoǵamdyq qorynyń jumysy tanystyryldy.
Kezdesý sońynda Prezident «Jas Qyran» fýtbol akademiiasy buqaralyq balalar sportyn, sonyń ishinde, fýtboldy damytýda úlgi-ónege kórsetip otyrǵanyn atap ótti.
Memleket basshysy osy mańyzdy bastamanyń sátti iske asýyna tilektestik bildirip, «Lancaster Group Kazakhstan» kompaniiasynyń áleýmettik mańyzy bar jobalardy iske asyrýǵa qosqan úlesine oń baǵa berdi.
