Memleket basshysy Qasym-Jomart Toqaev qus tumaýynyń órshýine bailanysty Aýyl sharýashylyǵy ministrligin synǵa aldy, dep habarlaidy "Ult aqparat".
«Azyq-túlik qaýipsizdigi men áleýmettik mańyzy bar azyq-túlik taýarlar máselesi erekshe nazar aýdarýdy talap etedi. Joǵary patogendi qus tumaýynyń órshýi azyq-túlik qaýipsizdigi salasynyń kemshiligin aiqyndap berdi. Bul rette men ýájimdi Aýyl sharýashylyǵy ministrligine aitsam deimin», - dedi Prezident koronavirýs indetiniń ekinshi kezeńine daiyndyq máseleleri boiynsha keńeste sóilegen sózinde.
Qasym-Jomart Toqaev veterinarlyq sharalarmen qatar aýyldaǵy sharýalardyń jaǵdaiyn aita otyryp, jeke aýlalar men qus fabrikalarynyń shyǵynyn jabarlyq ekonomikalyq tetikterdi oilastyrýdy tapsyrdy.
