Shymkentte 700 mln teńgeni jutqan qarjy piramidasy áshkerelendi Shymkentte 700 mln teńgeni jutqan qarjy piramidasy áshkerelendi Qazaqstanda 16 jasqa deiin áleýmettik jelige tyiym salý usynyldy Qazaqstanda 16 jasqa deiin áleýmettik jelige tyiym salý usynyldy
Rýhaniiat

Prezident Kúlásh Ahmetovany 75 jyldyq mereitoiymen quttyqtady

Ult portaly
Prezident Kúlásh Ahmetovany 75 jyldyq mereitoiymen quttyqtady


QR Prezidenti Qasym-Jomart Toqaev jambyldyq aqyn Kúlásh Ahmetovany 75 jyldyq mereitoiymen quttyqtady, dep habarlaidy "Ult aqparat".

Kúlásh Ahmetovany arnaiy quttyqtap barǵan Jambyl oblysynyń ákimi Berdibek Saparbaev belgili qalamgerge QR Prezidenti Qasym-Jomart Toqaevtyń quttyqtaý hatyn jetkizip, oqyp berdi. Memleket basshysy Kúlásh Ahmetovanyń óleńderiniń ómirsheńdigin atap ótken. Onyń shyǵarmashylyǵyndaǵy lirikalyq obrazdar jarqyn ári naq sýrettelip, dúniedegi qubylystar aqyn kózqarasymen oqyrmandaryn eriksiz baýraityndyǵy aitylǵan. Óz quttyqtaýynda Memleket basshysy Kúlásh Ahmetovaǵa zor densaýlyq jáne shyǵarmashylyq tabys tilegen. 

Berdibek Saparbaev aqyndy mereitoiymen quttyqtap, gúl shoǵyn tabys etti.

«Sizdiń óleńderińizdi birneshe jas býyn urpaq súiip oqyp, ósti. Shyǵarmashylyǵyńyzdyń negizi adal dostyq pen mahabbat, jomarttyq pen patriotizm desek, sol arqyly jas urpaqty durys jolǵa tárbieleýge úles qosyp kelesiz. Sizdiń parasatty poeziiańyz arqyly qalyń oqyrman oi túiip, jaqsylyqqa umtylyp, boiyń túzeidi», - dep atap ótti óńir basshysy.

Kúlásh Ahmetova QR Memlekettik syilyǵynyń laýreaty, Jambyl oblysynyń Qurmetti azamaty, «Qurmet» ordeniniń iegeri. Aqynnyń shyǵarmalary álemniń kóptegen tilderine aýdarylǵan.

Qarapaiym otbasynda dúniege kelgen K: Ahmetovanyń ómir joly ońai bolmady. Onyń erekshe talanty balalyq shaǵynda baiqalyp, 14 jasynda-aq júrekjardy balaýsa jyr joldaryn qaǵaz betine túsire bastady. Búginde aqynnyń názik lirikalyq jáne patriottyq taqyryptaǵy otty óleńderi oily oqyrmandarynyń júrek tórinen oryn alyp keledi. Tulǵanyń Qazaq dalasyndaǵy Sóz ben Ánniń uly róli týraly oilary halyqtyq ańyz-áńgimelermen ushtasady. Kúlásh Ahmetova «Aq gúlim meniń», «Sen meniń baqytymsyń», «Bulaqtaǵy juldyzdar», «Meiirim», «Japyraq - jazdyń júregi» jáne taǵy da basqa birqatar kitaptardyń avtory. Ol keńestik kezeńde Qazaqstan Jastar Odaǵy syilyǵynyń laýreaty atanǵan sanaýly mádeniet qairatkerleriniń biri. Kúlásh Ahmetova qolynan qalamyn tastamai, búginde óz shyǵarmalarynda patriottyq tárbiege, týǵan jerge degen súiispenshilikke airyqsha basymdyq berip keledi.

Mereitoiy qarsańynda Kúlásh Ahmetovanyń jańa bes tomdyq shyǵarmalar jinaǵy jaryq kórip, oqyrmanǵa jol tartty. Karantindik shekteýlerge bailanysty mereitoilyq negizgi sharalar kúzde ótkizilmek. Soǵan orai aqynnyń Otanǵa arnalǵan jańa kitaby jaryq kóredi dep kútilýde. Oǵan Qazaqstannyń ár aimaǵyndaǵy tabiǵattyń sulý kórinisteri sýrettelgen óleńder toptamasy enedi.


Oqi otyryńyz