Qazaqstan Respýblikasynyń adam quqyqtary salasyndaǵy odan ári sharalary týraly Jarlyqqa qol qoidy, dep habarlaidy "Ult aqparat" Aqordanyń resmi saityna silteme jasap.
***
Adam quqyqtary salasynda odan ári sharalar qabyldaý maqsatynda QAÝLY ETEMIN:
1. Qazaqstan Respýblikasynyń Úkimeti:
1) Adam quqyqtary salasyndaǵy birinshi kezektegi sharalar josparyn (budan ári – Is-sharalar jospary) bekitsin, onda mynadai jumys baǵyttaryn kózdesin:
BUU-nyń sharttyq organdarymen jáne BUU-nyń Adam quqyqtary boiynsha keńesiniń arnaýly rásimderimen ózara is-qimyl tetikterin jetildirý;
adam saýdasy qurbandarynyń quqyqtaryn qamtamasyz etý;
múgedektigi bar azamattarǵa qatysty adam quqyqtary;
áielderge qatysty kemsitýdi joiý;
birlesý bostandyǵyna quqyq;
pikir bildirý bostandyǵyna quqyq;
adamnyń ómir súrýge jáne qoǵamdyq tártipke quqyǵy;
úkimettik emes uiymdarmen ózara is-qimyl tiimdiligin arttyrý;
adamnyń qylmystyq sot tóreligi, atqarý jáne azaptaýlar men qatygez is-áreketterdiń aldyn alý salasyndaǵy quqyqtary;
2) Is-sharalar josparyn iske asyrýdy qamtamasyz etsin;
3) jyl saiyn 25 qańtarǵa qarai jyl qorytyndylary boiynsha Qazaqstan Respýblikasy Prezidentiniń Ákimshiligine Is-sharalar josparynyń oryndalý barysy týraly aqparat usynsyn;
4) osy Jarlyqty iske asyrý boiynsha ózge de sharalardy qabyldasyn.
2. Osy Jarlyqtyń oryndalýyn baqylaý Qazaqstan Respýblikasy Prezidentiniń Ákimshiligine júktelsin.
3. Osy Jarlyq qol qoiylǵan kúninen bastap qoldanysqa engiziledi.
Qazaqstan Respýblikasynyń Prezidenti Q.Toqaev
№ 597
