قازاقستان رەسپۋبليكاسىنىڭ ادام قۇقىقتارى سالاسىنداعى ودان ەرٸ شارالارى تۋرالى جارلىققا قول قويدى, دەپ حابارلايدى "ۇلت اقپارات" اقوردانىڭ رەسمي سايتىنا سٸلتەمە جاساپ.
***
ادام قۇقىقتارى سالاسىندا ودان ەرٸ شارالار قابىلداۋ ماقساتىندا قاۋلى ەتەمٸن:
1. قازاقستان رەسپۋبليكاسىنىڭ ٷكٸمەتٸ:
1) ادام قۇقىقتارى سالاسىنداعى بٸرٸنشٸ كەزەكتەگٸ شارالار جوسپارىن (بۇدان ەرٸ – ٸس-شارالار جوسپارى) بەكٸتسٸن, وندا مىناداي جۇمىس باعىتتارىن كٶزدەسٸن:
بۇۇ-نىڭ شارتتىق ورگاندارىمەن جەنە بۇۇ-نىڭ ادام قۇقىقتارى بويىنشا كەڭەسٸنٸڭ ارناۋلى رەسٸمدەرٸمەن ٶزارا ٸس-قيمىل تەتٸكتەرٸن جەتٸلدٸرۋ;
ادام ساۋداسى قۇرباندارىنىڭ قۇقىقتارىن قامتاماسىز ەتۋ;
مٷگەدەكتٸگٸ بار ازاماتتارعا قاتىستى ادام قۇقىقتارى;
ەيەلدەرگە قاتىستى كەمسٸتۋدٸ جويۋ;
بٸرلەسۋ بوستاندىعىنا قۇقىق;
پٸكٸر بٸلدٸرۋ بوستاندىعىنا قۇقىق;
ادامنىڭ ٶمٸر سٷرۋگە جەنە قوعامدىق تەرتٸپكە قۇقىعى;
ٷكٸمەتتٸك ەمەس ۇيىمدارمەن ٶزارا ٸس-قيمىل تيٸمدٸلٸگٸن ارتتىرۋ;
ادامنىڭ قىلمىستىق سوت تٶرەلٸگٸ, اتقارۋ جەنە ازاپتاۋلار مەن قاتىگەز ٸس-ەرەكەتتەردٸڭ الدىن الۋ سالاسىنداعى قۇقىقتارى;
2) ٸس-شارالار جوسپارىن ٸسكە اسىرۋدى قامتاماسىز ەتسٸن;
3) جىل سايىن 25 قاڭتارعا قاراي جىل قورىتىندىلارى بويىنشا قازاقستان رەسپۋبليكاسى پرەزيدەنتٸنٸڭ ەكٸمشٸلٸگٸنە ٸس-شارالار جوسپارىنىڭ ورىندالۋ بارىسى تۋرالى اقپارات ۇسىنسىن;
4) وسى جارلىقتى ٸسكە اسىرۋ بويىنشا ٶزگە دە شارالاردى قابىلداسىن.
2. وسى جارلىقتىڭ ورىندالۋىن باقىلاۋ قازاقستان رەسپۋبليكاسى پرەزيدەنتٸنٸڭ ەكٸمشٸلٸگٸنە جٷكتەلسٸن.
3. وسى جارلىق قول قويىلعان كٷنٸنەن باستاپ قولدانىسقا ەنگٸزٸلەدٸ.
قازاقستان رەسپۋبليكاسىنىڭ پرەزيدەنتٸ ق.توقاەۆ
№ 597
