«BIZ BIRGEMIZ» onlain forýmda Qazaqstan Prezidenti Qasym-Jomart Toqaev koronavirýstan qaitys bolǵan adamdardyń týystary men jaqyndaryna kóńil aitty, dep habarlaidy "Ult aqparat".
«Búginde álemdegi barlyq elder, sonyń ishinde Qazaqstanda koronavirýs indetine qarsy kúres júrgizilýde. Bul, árine, óte aýqymdy ári kúrdeli jumys. Osyǵan orai memleket tarapynan teńdessiz sharalar qabyldandy. Koronavirýspen kúresý úshin biýdjetten qomaqty qarajat bólindi. Turmysy tómen otbasylarǵa azyq-túlik taratyldy. Shaǵyn jáne orta biznes ókilderine birqatar jeńildik jasaldy. Elbasynyń bastamasymen qurylǵan «Birgemiz» qorynan da kólemdi qarjy bólinip, muqtaj jandarǵa naqty kómek berilip jatyr», - dedi Memleket basshysy.
QR Prezidenti bul jumysty Nur Otan partiiasy belsendi túrde júzege asyryp jatqanyn basa aitty.
«Osynyń bári birligimizdiń bekemdigin kórsetedi. Degenmen, bul asa juqpaly dert azamattarymyzdyń densaýlyǵy men ómirine qaýip tóndirip, halyqtyń ál-aqýatyna nuqsan keltirýde. Eń aldymen osy keselden qaitys bolǵan adamdardyń týystary men jaqyndaryna kóńil aitamyn. Sondai-aq virýs juqtyrǵandardyń tezirek saýyǵyp ketýine tilektestik bildiremin», - dedi Qasym-Jomart Toqaev.
