Jiberilgen qatelikter men olqylyqtardy anyqtaityn arnaiy komissiia qurý qajet. Bul týraly Úkimettiń keńeitilgen otyrysynda Memleket basshysy Qasym-Jomart Toqaev aitty, - dep habarlaidy Aqorda baspasóz qyzmeti.
«Jiberilgen qatelikter men olqylyqtardy anyqtaityn arnaiy komissiia qurý qajet. Bul komissiia qazirgi ortaq jumysqa kedergi jasamai, tekseris júrgizip, maǵan usynys berýi kerek», - dedi Memleket basshysy.
Aita keteiik, videobailanys arqyly ótip jatqan jiynda Úkimet 2020 jyldyń alǵashqy jarty jyldyǵyndaǵy elimizdiń áleýmettik-ekonomikalyq damý qorytyndysy týraly esep berdi. Sondai-aq koronavirýsqa qarsy kúreske qatysty qabyldanǵan sharalar, Memleket basshysynyń Úkimettiń aldaǵy ýaqytta atqaratyn jumysynyń negizgi baǵyttary boiynsha bergen tapsyrmalary men mindetteri qarastyryldy.
Elimizdiń áleýmettik-ekonomikalyq damýynyń qorytyndylary men jyl sońyna deiin oryndaityn mindetter jóninde Premer-Ministr Asqar Mamin, aqsha-nesie saiasatyna qatysty sharalar týraly Ulttyq banktiń tóraǵasy Erbolat Dosaev, elimizdegi epidemiologiialyq ahýaldy jaqsartý jónindegi sharalar týraly Densaýlyq saqtaý ministri Aleksei Tsoi baiandama jasady.
