Prezident Qasym-Jomart Toqaev Konstitýtsiialyq Keńestiń tóraǵasy Qairat Mámidi qabyldady, dep habarlaidy Aqorda.
Memleket basshysyna Konstitýtsiialyq Keńestiń aldaǵy Parlament palatalarynyń birlesken otyrysynda elimizdegi konstitýtsiialyq zańdylyqtardyń jai-kúii týraly jasaityn kezekti joldaýyna daiyndyq barysy baiandaldy.
Konstitýtsiialyq Keńes tóraǵasynyń aitýynsha, atalǵan mańyzdy qujatta konstitýtsiialyq is júrgizý praktikasy qorytyndylanady. Qazirgi zańnamada jáne ony qoldaný tájiribesinde konstitýtsiialyq normalardyń iske asyrylýy, Konstitýtsiialyq Keńes sheshimderiniń oryndalýyna baǵa beriledi. Sonymen qatar azamattardyń konstitýtsiialyq quqyqtary men bostandyqtaryn saqtaý jáne qorǵaý máseleleri qaralady.
Qairat Mámi biylǵy joldaý Táýelsizdiktiń 30 jyldyǵyna arnalatynyn jáne Konstitýtsiialyq Keńes respýblikadaǵy zań ústemdigin odan ári kúsheitý jóninde naqty usynystar jasaitynyn atap ótti.
Prezident Konstitýtsiianyń Qazaqstan memlekettiligi men el jetistiginiń negizi bolyp tabylatynyn aitty. Osy oraida, Konstitýtsiialyq Keńestiń qyzmeti Ata Zań erejelerin júzege asyrýda mańyzdy ról atqaratynyna toqtaldy. Memleket aýmaǵynda Konstitýtsiia ústemdigin qamtamasyz etý el damýynyń mindetti sharty ekenin atap ótti.
