Foto: Akorda.kz
Prezident Qasym-Jomart Toqaev Qaraǵandy oblysyndaǵy qaiǵyly oqiǵaǵa orai kóńil aitqan barlyq shet memleketter basshylary men qazaqstandyqtarǵa rizashylyǵyn bildirdi, - dep habarlaidy Aqordanyń baspasóz qyzmeti.
«Qaza bolǵan kenshilerdiń otbasylaryna kóńil aityp, osynaý qiyn sátte jyly lebizderin joldap, qoldaý kórsetken memleketter basshylaryna, qoǵam qairatkerlerine, azamattarǵa shynaiy rizashylyǵymdy bildiremin», – dep jazdy Memleket basshysy H paraqshasynda.
Eske salaiyq, búgin túnde Qaraǵandy oblysyndaǵy Kostenko atyndaǵy shahtada órt boldy. Saǵat 17:33-tegi málimet boiynsha, 33 kenshiniń denesi tabyldy,13 adam izdestirilip jatyr.
Keshqurym brifing ótkizgen Tótenshe jaǵdailar ministri Syrym Sháriphanov jer astynda qalǵan kenshilerdi tiri tabýǵa úmit óte az ekenin málim etti.
