فوتو: Akorda.kz
پرەزيدەنت قاسىم-جومارت توقاەۆ قاراعاندى وبلىسىنداعى قايعىلى وقيعاعا وراي كٶڭٸل ايتقان بارلىق شەت مەملەكەتتەر باسشىلارى مەن قازاقستاندىقتارعا ريزاشىلىعىن بٸلدٸردٸ, - دەپ حابارلايدى اقوردانىڭ باسپاسٶز قىزمەتٸ.
«قازا بولعان كەنشٸلەردٸڭ وتباسىلارىنا كٶڭٸل ايتىپ, وسىناۋ قيىن سەتتە جىلى لەبٸزدەرٸن جولداپ, قولداۋ كٶرسەتكەن مەملەكەتتەر باسشىلارىنا, قوعام قايراتكەرلەرٸنە, ازاماتتارعا شىنايى ريزاشىلىعىمدى بٸلدٸرەمٸن», – دەپ جازدى مەملەكەت باسشىسى ح پاراقشاسىندا.
ەسكە سالايىق, بٷگٸن تٷندە قاراعاندى وبلىسىنداعى كوستەنكو اتىنداعى شاحتادا ٶرت بولدى. ساعات 17:33-تەگٸ مەلٸمەت بويىنشا, 33 كەنشٸنٸڭ دەنەسٸ تابىلدى,13 ادام ٸزدەستٸرٸلٸپ جاتىر.
كەشقۇرىم بريفينگ ٶتكٸزگەن تٶتەنشە جاعدايلار مينيسترٸ سىرىم شەرٸپحانوۆ جەر استىندا قالعان كەنشٸلەردٸ تٸرٸ تابۋعا ٷمٸت ٶتە از ەكەنٸن مەلٸم ەتتٸ.
