Foto: Ashyq derekkóz
Memleket basshysy dárigerlerge, qutqarýshylarǵa, politsiia qyzmetkerleri men kommýnaldyq qyzmet ókilderine alǵys aitty, dep habarlaidy «Ult aqparat» Aqordaǵa silteme jasap.
«Jýyrda elimizdiń birqatar óńirinde tabiǵat tosyn minez tanytyp, jaǵdai qiyndaǵan kezde jergilikti atqarýshy biliktiń, Tótenshe jaǵdailar ministrliginiń jáne quqyq qorǵaý organdarynyń qyzmetkerleri, meditsina mamandary, kommýnaldyq qyzmet pen avtomobil joldarynyń jumysyn qamtamasyz etý salasynyń ókilderi, sondai-aq basqa da azamattar halyqtyń qamy úshin janqiiarlyqpen eńbek etti» delingen habarlamada.
Prezident Qasym-Jomart Toqaev olardyń bárine shyn júrekten alǵys aityp, jyly lebizin bildirdi. Eńbegi eren bir top azamat memlekettik nagradaǵa usynyldy.
