Foto: Aqorda
Aqordada Memleket basshysy Qasym-Jomart Toqaev Halyqaralyq paralimpiada komitetiniń prezidenti Endriý Parsons pen Aziia paralimpiada komitetiniń prezidenti Madjid Rashedpen kezdesti, dep habarlaidy Ult.kz.
Prezident paralimpiada qozǵalysynyń mańyzdy missiiasyn atap ótip, Qazaqstan inkliýzivti jáne áleýmettik jaýapty memleket retinde bul baǵyttaǵy yntymaqtastyqty qoldaitynyn jetkizdi.
Endriý Parsons Qazaqstan sportshylarynyń Parijdegi Paralimpiadada toǵyz medal, onyń ishinde eki altyn jeńip alǵanyn erekshe atap, muny júieli jumystyń nátijesi dep baǵalady. Al Madjid Rashed elde parasportshylarǵa jasalǵan jaǵdaidy joǵary baǵalap, Astanadaǵy qonaqjailyqqa rizashylyǵyn bildirdi.
Kezdesý barysynda Qazaqstanda halyqaralyq paralimpiadalyq jarystar ótkizý, sportshylardyń bilim berý bastamalary men halyqaralyq baǵdarlamalarǵa qatysýy talqylandy.
Búginde elimizde 19 paralimpiadalyq sport túri damyp keledi. Jyl saiyn 800-den asa jarys uiymdastyrylyp, 10 myńnan astam adam qatysady. Ulttyq qurama sapynda 1 myńnan astam sportshy bar.
