QR Prezidenti Qasym-Jomart Toqaev «Halyqaralyq qaryz arhitektýrasy jáne ótimdilik» atty joǵary deńgeidegi jiynda beineúndeý jasaidy, dep habarlaidy "Ult aqparat" QR Prezidentiniń baspasóz hatshysy Berik Ýálige silteme jasap.
«Búgin Nur-Sultan qalasynyń ýaqyty boiynsha shamamen 21:30-da Prezident Qasym-Jomart Toqaev «Halyqaralyq qaryz arhitektýrasy jáne ótimdilik» atty joǵary deńgeidegi jiynda beineúndeý jasaidy. Memleket jáne Úkimet basshylary deńgeiindegi onlain forýmdy ótkizýge BUU Bas hatshysy Antoniý Gýterrish, Kanada jáne Iamaikanyń premer-ministrleri Djastin Triýdo men Endriý Holness muryndyq boldy. Jiyndy BUU-nyń veb-saity arqyly tikelei efirde tamashalaýǵa bolady», dep jazdy Berik Ýáli Facebook -tegi paraqshasynda.
