Qazaqstan Prezidenti Qasym-Jomart Toqaev Qorǵanys ministri Nurlan Ermekbaevty qabyldady, dep habarlaidy "Ult aqparat" Aqordanyń baspasóz qyzmetine silteme jasap.
Qazaqstan Prezidenti – Qarýly Kúshterdiń Bas qolbasshysy Qasym-Jomart Toqaev armiianyń áskeri jáne shuǵyl áreketterge daiyndyǵy, azamattardy áskerge shaqyrýdyń kúzgi naýqanynyń barysy, sondai-aq, Almaty oblysynda ótip jatqan bitimgershilik oqý-jattyǵý jiyny jóninde Qorǵanys ministriniń esebin tyńdady.
Memleket basshysy Qorǵanys ministrliginiń aldyna birqatar mindet qoidy. Sonyń ishinde Qarýly Kúshterdi qalyptastyrý tujyrymdamasyn ázirleý kezinde Qazaqstan armiiasynyń radiatsiialyq jáne himiialyq qorǵanysyna qajetti qural-jabdyqtardyń zamanaýi túrlerimen jabdyqtalýyna, áskeri-tehnikalyq aviatsiia men injenerlik áskerdi kúsheitýge, infraqurylymdy damytýǵa erekshe nazar aýdarýdy tapsyrdy.
Qasym-Jomart Toqaev halyqaralyq áskeri yntymaqtastyqty damytýǵa, kadrlyq saiasat pen áskerimizdiń qysqy maýsymǵa daiyndyǵyna qatysty birqatar tapsyrma berdi.
