Memleket basshysy Qasym-Jomart Toqaev "ArselorMittal Temirtaý" AQ shahtasynda qaza tapqan jumysshylardyń otbasyna kóńil aitty, - dep habarlaidy "Ult aqparat" Aqorda saityna silteme jasap.
Prezident Qasym-Jomart Toqaev "ArselorMittal Temirtaý" AQ shahtasyndaǵy apatta qaza tapqan jumysshylardyń otbasylary men jaqyndaryna kóńil aitý jedelhatyn joldady.
"ArselorMittal Temirtaý" aktsionerlik qoǵamynyń shahtasynda bolǵan apat saldarynan qaza tapqan jumysshylardyń otbasylary men jaqyndarynyń qaiǵysyna ortaqtasyp, kóńil aitamyn. Zardap shekken azamattardyń tezirek saýyǵyp ketýine tilektestik bildiremin. Úkimetke jáne Qaraǵandy oblysynyń ákimine apat sebepterin anyqtaý úshin shuǵyl sharalar qabyldaýdy jáne qaitys bolǵan jáne zardap shekken azamattardyń otbasylaryna tiisti kómek kórsetýdi tapsyrdym", – dep jazylǵan jedelhatta.
Eske salaiyq, buǵan deiin Qaraǵandy oblysynyń Shahtinsk qalasynda "ArselorMittal Temirtaý" shahtalarynyń birinde gaz shyqqany habarlanǵan bolatyn.
