مەملەكەت باسشىسى قاسىم-جومارت توقاەۆ "ارسەلورميتتال تەمٸرتاۋ" اق شاحتاسىندا قازا تاپقان جۇمىسشىلاردىڭ وتباسىنا كٶڭٸل ايتتى, - دەپ حابارلايدى "ۇلت اقپارات" اقوردا سايتىنا سٸلتەمە جاساپ.
پرەزيدەنت قاسىم-جومارت توقاەۆ "ارسەلورميتتال تەمٸرتاۋ" اق شاحتاسىنداعى اپاتتا قازا تاپقان جۇمىسشىلاردىڭ وتباسىلارى مەن جاقىندارىنا كٶڭٸل ايتۋ جەدەلحاتىن جولدادى.
"ارسەلورميتتال تەمٸرتاۋ" اكتسيونەرلٸك قوعامىنىڭ شاحتاسىندا بولعان اپات سالدارىنان قازا تاپقان جۇمىسشىلاردىڭ وتباسىلارى مەن جاقىندارىنىڭ قايعىسىنا ورتاقتاسىپ, كٶڭٸل ايتامىن. زارداپ شەككەن ازاماتتاردىڭ تەزٸرەك ساۋىعىپ كەتۋٸنە تٸلەكتەستٸك بٸلدٸرەمٸن. ٷكٸمەتكە جەنە قاراعاندى وبلىسىنىڭ ەكٸمٸنە اپات سەبەپتەرٸن انىقتاۋ ٷشٸن شۇعىل شارالار قابىلداۋدى جەنە قايتىس بولعان جەنە زارداپ شەككەن ازاماتتاردىڭ وتباسىلارىنا تيٸستٸ كٶمەك كٶرسەتۋدٸ تاپسىردىم", – دەپ جازىلعان جەدەلحاتتا.
ەسكە سالايىق, بۇعان دەيٸن قاراعاندى وبلىسىنىڭ شاحتينسك قالاسىندا "ارسەلورميتتال تەمٸرتاۋ" شاحتالارىنىڭ بٸرٸندە گاز شىققانى حابارلانعان بولاتىن.
