Foto: Aqorda
Memleket basshysy Qasym-Jomart Toqaev «Qazatomónerkásip» UAK basqarma tóraǵasy Meiirjan Iýsýpovty qabyldap, kompaniianyń 2024 jylǵy qyzmetiniń negizgi kórsetkishteri men damý strategiiasymen tanysty, dep habarlaidy Ult.kz.
- - ýran óndirisiniń kólemi – 23 myń tonna;
- - satý kólemi – 16,6 myń tonna;
- - rekordty tabys (+26%) – 1,8 trln teńge;
- - biýdjetke salyq túsimi (+58%) – 720 mlrd teńge.
Prezidentke álemdik naryqtaǵy ahýal, jańa kelisimsharttar men investitsiialyq jobalar jóninde baiandaldy. Ótken jyldyń eń basty oqiǵasy retinde «Úlbi-JBQ» jaýapkershiligi shekteýli seriktestigi zaýytynyń 200 tonna tómen baiytylǵan ýran óndirip, tolyq qýatynda jumys istei bastaǵanyn aitýǵa bolady.
«Qazatomónerkásip» ulttyq atom kompaniiasy» aktsionerlik qoǵamyn damytýdyń 2025-2034 jyldarǵa arnalǵan jańa strategiiasy tanystyryldy. Onyń aiasynda kompaniia eldiń mineraldy-shikizat bazasyn ulǵaitýǵa jáne ony tiimdi paidalanýǵa den qoimaq.
Byltyr resýrs qory 170 myń tonnaǵa baǵalanǵan perspektivti aýmaqtarda ýrandy barlaý jumystaryn júrgizý úshin jańa litsenziialar berilgen.
Prezident «Qazatomónerkásip» aktsionerlik qoǵamynyń jumysyn odan ári jetildirýge jáne kompaniialar tobynyń áleýmettik mańyzy bar jobalardy oryndaýǵa qatysty birqatar mindet júktedi.
