Memleket basshysy «Qazatomónerkásip» UAK» aktsionerlik qoǵamynyń Basqarma tóraǵasy Ǵalymjan Pirmatovty qabyldady, dep habarlaidy Aqordanyń baspasóz qyzmeti.
Qazaqstan Prezidentine ulttyq atom kompaniiasynyń 2020 jyly atqarǵan jumystarynyń negizgi nátijeleri men aldaǵy kezeńge arnalǵan josparlary týraly baiandaldy.
Ǵalymjan Pirmatovtyń aitýynsha, kompaniia koronavirýs pandemiiasyna qaramastan aldyna qoiylǵan barlyq mindetti oryndaǵan. «Qazatomónerkásip» aktsionerlik qoǵamy úshinshi jyl qatarynan ónim ótkizý isinde joǵary kórsetkishterge qol jetkizip, ýran óndirý jáne satý kólemi boiynsha álemdik naryqtaǵy kóshbasshy mártebesin senimdi túrde saqtap otyr.
Sonymen qatar Memleket basshysyna tsifrlyq transformatsiia baǵdarlamasynyń júzege asyrylý barysy, kompaniiadaǵy biznes-protsesterdiń jetildirilýi jáne jylý bóletin qurylǵylar (JBQ) shyǵaratyn zaýyt qurylysynyń aiaqtalýy jóninde málimet berildi.
Kezdesý qorytyndysy boiynsha Qasym-Jomart Toqaev «Qazatomónerkásip» basshysyna birqatar naqty tapsyrma berdi.
