Foto: QR Prezidentiń baspasóz qyzmeti
Prezident Qasym-Jomart Toqaev «Semei ormany» tabiǵi rezervatyndaǵy alapat órt saldarynan qaza tapqan orman sharýashylyǵy qyzmetkerleriniń otbasy músheleri men jaqyn týystaryna kóńil aitty, dep habarlaidy "Ult aqparat" Aqordanyń baspasóz qyzmetine silteme jasap.
– Kóńil aitýǵa arnaiy kelip otyrmyn. Bul – búkil halqymyz úshin úlken qasiret. Elimizdiń qaiǵysy. Bekem bolyńyzdar. Orny tolmas qaiǵy ekenin túsinemin. Sizderge jan-jaqty kómek kórsetý jóninde Úkimetke tapsyrma berdim. Úkimetke nemese maǵan jeke ótinishterińiz bolsa, aityńyzdar. Barlyq ótinishti oryndaimyz. Qaza tapqan azamattar qaityp kelmeidi. Biraq ómir jalǵasady. Osy qaiǵyly jaǵdaiǵa kinálilerdiń bári zań boiynsha jaýapqa tartylady. Dúisenbi kúnin elimiz boiynsha Jalpyulttyq aza tutý kúni dep jariialadym. Biz qaza tapqan azamattardy eske alamyz. Sabyr saqtap, bekem bolyńyzdar. Quqyq qorǵaý organdary men ministrlikter tarapynan bolsyn, barlyq sala boiynsha tiisti sharalar qabyldanady. Qazir keńes ótkizemin. Bul jaǵdaidan mindetti túrde tiisti qorytyndy shyǵaramyz, – dedi Memleket basshysy.
