فوتو: قر پرەزيدەنتٸڭ باسپاسٶز قىزمەتٸ
پرەزيدەنت قاسىم-جومارت توقاەۆ «سەمەي ورمانى» تابيعي رەزەرۆاتىنداعى الاپات ٶرت سالدارىنان قازا تاپقان ورمان شارۋاشىلىعى قىزمەتكەرلەرٸنٸڭ وتباسى مٷشەلەرٸ مەن جاقىن تۋىستارىنا كٶڭٸل ايتتى, دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
– كٶڭٸل ايتۋعا ارنايى كەلٸپ وتىرمىن. بۇل – بٷكٸل حالقىمىز ٷشٸن ٷلكەن قاسٸرەت. ەلٸمٸزدٸڭ قايعىسى. بەكەم بولىڭىزدار. ورنى تولماس قايعى ەكەنٸن تٷسٸنەمٸن. سٸزدەرگە جان-جاقتى كٶمەك كٶرسەتۋ جٶنٸندە ٷكٸمەتكە تاپسىرما بەردٸم. ٷكٸمەتكە نەمەسە ماعان جەكە ٶتٸنٸشتەرٸڭٸز بولسا, ايتىڭىزدار. بارلىق ٶتٸنٸشتٸ ورىندايمىز. قازا تاپقان ازاماتتار قايتىپ كەلمەيدٸ. بٸراق ٶمٸر جالعاسادى. وسى قايعىلى جاعدايعا كٸنەلٸلەردٸڭ بەرٸ زاڭ بويىنشا جاۋاپقا تارتىلادى. دٷيسەنبٸ كٷنٸن ەلٸمٸز بويىنشا جالپىۇلتتىق ازا تۇتۋ كٷنٸ دەپ جارييالادىم. بٸز قازا تاپقان ازاماتتاردى ەسكە الامىز. سابىر ساقتاپ, بەكەم بولىڭىزدار. قۇقىق قورعاۋ ورگاندارى مەن مينيسترلٸكتەر تاراپىنان بولسىن, بارلىق سالا بويىنشا تيٸستٸ شارالار قابىلدانادى. قازٸر كەڭەس ٶتكٸزەمٸن. بۇل جاعدايدان مٸندەتتٸ تٷردە تيٸستٸ قورىتىندى شىعارامىز, – دەدٸ مەملەكەت باسشىسى.
