Foto: Aqorda
Qazaqstan Prezidenti Qasym-Jomart Toqaevtyń qurmetine Frantsiia Prezidenti Emmaniýel Makron Elisei saraiynda memlekettik qabyldaý uiymdastyrdy. Is-sharada eki eldiń joǵary laýazymdy tulǵalary men isker, mádeni, sport, diplomatiia salasyndaǵy ókilder bas qosty, dep habarlaidy Ult.kz.
Prezident Toqaev Frantsiia basshysy men onyń zaiyby Bridjit Makronǵa qazaq delegatsiiasyn jyly qarsy alǵandary úshin rizashylyǵyn bildirip, dostyq pen seriktestikke negizdelgen yqylastary úshin alǵys aitty. Sonymen qatar, ol eki el arasyndaǵy mazmundy kelissózderdiń nátijelerin joǵary baǵalady.
Foto: Aqorda
Óziniń áleýmettik paraqshasynda Qasym-Jomart Toqaev bul sapardyń erekshe mańyzdylyǵyn atap ótip, Qazaqstanǵa kórsetilgen ystyq yqylasqa tánti bolǵanyn jazdy.
"Frantsiiaǵa memlekettik saparym kezinde kórsetilgen ystyq yqylasqa erekshe tánti boldym. Mazmundy kelissózderdiń qorytyndylaryn joǵary baǵalaimyn. Maǵan jáne barsha Qazaqstan halqyna bildirgen qurmeti úshin Prezident Makronǵa shynaiy alǵysymdy aitamyn. Frantsiia kóshbasshysyn keler jyly Qazaqstanǵa memlekettik saparmen kelýge shaqyrdym", – dep jazdy Memleket basshysy óziniń H áleýmettik paraqshasynda.
Foto: Aqorda
Aita keteiik, buǵan deiin Qazaqstan Prezidenti Qasym-Jomart Toqaev Parijde ótken Qazaqstan-Frantsiia investitsiialyq dóńgelek ústeline qatysyp, birneshe bastama kótergenin jazǵan edik.
Sondai-aq AES qurylysy men kólik infraqurylymy týraly birneshe kelissózder júrgizildi.
