Foto: Aqorda
Memleket basshysy Shymkent qalasynyń áleýmettik-ekonomikalyq damýy men júzege asyrylyp jatqan jobalarmen tanysty, dep habarlaidy Ult.kz.
Qasym-Jomart Toqaev Shymkent áýejaiynyń jańa qurylysyna baryp, Qazaqstannyń ońtústiginde aviatsiialyq hab qalyptastyrý josparynyń tanystyrylymyna qatysty. Bul joba áýe qatynasynyń baǵyt sanyn 17-den 59-ǵa deiin arttyrýǵa jáne Eýropa men Aziia elderine reister ashýǵa múmkindik beredi.
Sonymen qatar, Prezident strategiialyq mańyzy zor Batys Qytai – Batys Eýropa kólik dálizine jaqyn ornalasqan Almaar Logistics saýda-logistika ortalyǵyn aralady. Aýmaǵy 24 myń sharshy metrdi quraityn keshen ónimdi saqtaý men taratýda ozyq tehnologiialardy qoldanýǵa negizdelgen.
Foto: Aqorda
Qasym-Jomart Toqaev aýyl sharýashylyǵy ónimderiniń kórmesin de kórip shyqty. Byltyr qaladaǵy 50-ge jýyq óńdeýshi kásiporyn 168,5 milliard teńgeniń ónimin óndirgen. Sondai-aq, túrkiialyq jáne polshalyq investorlardyń jylyjai keshenderin salýǵa baǵyttalǵan iri investitsiialyq jobalary usynyldy.
Foto: Aqorda
Memleket basshysy jańadan ashylǵan Coca-Cola Içecek Kazakhstan zaýytyna baryp, óndiris barysymen tanysty. Ozyq tehnologiialarmen jabdyqtalǵan kásiporyn jylyna 283 million litrge deiin sýsyn shyǵara alady. Qasym-Jomart Toqaev óńirdiń ekonomikalyq ósimine yqpal etetin iri investitsiialyq jobalardy qoldaý qajettigin atap ótti.
Shymkent qalasynyń turǵyndaryna qolaily orta qalyptastyrýǵa baǵyttalǵan jobalar aiasynda Prezident «Shymkent City» saiabaǵyn aralap kórdi. Aýmaǵy 20 gektardan asatyn saiabaqta demalý jáne mádeni is-sharalar ótkizýge barlyq jaǵdai jasalǵan. Sonymen qatar, ekologiialyq jaǵdaidy jaqsartý maqsatynda 1 millionnan astam aǵash otyrǵyzý, 12 saiabaqty abattandyrý, Qoshqar ata ózeniniń jaǵalaýyn tazalaý jáne Ekopark salý jumystary qolǵa alynǵan.
Foto: Aqorda
Prezidentke qoqys órteý zaýytynyń jobasy da tanystyryldy. Joba táýligine 1 myń tonnaǵa deiingi turmystyq qaldyqtardy qaita óńdep, elektr energiiasyn óndirýge múmkindik beredi.
Qasym-Jomart Toqaev «Shymkent City» saiabaǵynda aǵash otyrǵyzý arqyly qala ekologiiasyn jaqsartýǵa óz úlesin qosty.
