Foto: Aqorda
Memleket basshysy áriptesin AQSh Prezidenti Donald Tramppen Ankoridjde ótken kezdesý qorytyndysymen quttyqtady, dep habarlaidy Ult.kz.
Prezidenttiń pikirinshe, kelissózder Reseidiń Ýkraina jónindegi ustanymyn amerikalyq taraptyń jaqsy túsinýine septigin tigizdi. Bul kúrdeli máseleniń sheshimin izdeýde ortaq til tabysýǵa kómektesedi.
Qasym-Jomart Toqaev Aliaskadaǵy sammitti Reseidiń halyqaralyq pozitsiiasyn jáne álemdik arenadaǵy ózara túsinistikti nyǵaitý turǵysynan aitýly kezdesý boldy dep sanaidy.
Memleket basshysy sapardyń sátti uiymdastyrylǵanyn atap ótti. Qazirgidei kúrdeli jaǵdaida munyń saiasi máni zor.
Vladimir Pýtin óz tarapynan áriptesine Aliaskada ótken kelissózdiń keibir naqty aspektileri týraly málimet berdi.
Áńgimelesý sońynda Qazaqstan Prezidenti Resei Prezidentine energetika salasyndaǵy konstrýktivti yntymaqtastyq úshin rizashylyq bildirdi.
