Qatar Memleketiniń Ámiri sheih Támim ben Hamad Ál Táni arasyndaǵy kelissóz qorytyndysy boiynsha birqatar qujatqa qol qoidy, dep habarlaidy "Ult aqparat" Aqordanyń baspasóz qyzmetine silteme jasap.
Mynadai qujattarǵa qol qoiyldy:
1. Qazaqstan Respýblikasy men Qatar Memleketi arasyndaǵy ustap berý týraly kelisim;
2. Qazaqstan Respýblikasy men Qatar Memleketi arasyndaǵy qylmystyq ister boiynsha ózara quqyqtyq kómek týraly kelisim;
3. Qazaqstan Respýblikasynyń Úkimeti men Qatar Memleketiniń Úkimeti arasyndaǵy Qazaqstan Respýblikasynan kelgen jumyskerlerdi Qatar Memleketinde jumysqa ornalastyrýdy retteý týraly kelisim;
4. Qazaqstan Respýblikasynyń Tsifrlyq damý, innovatsiialar jáne aeroǵarysh ónerkásibi ministrligi men Qatar Memleketiniń Bailanys jáne aqparattyq tehnologiialar ministrligi arasyndaǵy Yntymaqtastyq týraly memorandým;
5. Qazaqstan Respýblikasynyń Eńbek jáne halyqty áleýmettik qorǵaý ministrligi men Qatar Memleketiniń Otbasy jáne áleýmettik damý ministrligi arasyndaǵy Áleýmettik qorǵaý jáne damý salasyndaǵy yntymaqtastyq jónindegi ózara túsinistik týraly memorandým;
6. Qazaqstan Respýblikasynyń Mádeniet jáne aqparat ministrligi men Qatar Memleketiniń Sport jáne jastar ministrligi arasyndaǵy jastar salasyndaǵy 2024-2026 jyldarǵa arnalǵan birinshi atqarýshy baǵdarlama;
7. Qazaqstan Respýblikasynyń Sybailas jemqorlyqqa qarsy is-qimyl agenttigi men Qatar memleketiniń Ákimshilik baqylaý jáne ashyqtyq basqarmasy arasyndaǵy Parasattylyq pen aiqyndylyqty ilgeriletý boiynsha ózara túsinistik týraly memorandým;
8. «Samuryq-Qazyna» AQ, Qazaqstan Respýblikasynyń Energetika ministrligi men Power International Holding arasyndaǵy energetika jáne gaz salasyndaǵy jobalardy iske asyrý týraly kelisimder;
9. «QazaqGaz» UK» AQ men UCC Holding arasyndaǵy Qashaǵan ken ornynda gaz óńdeý zaýyttaryn salý jobalaryn birlesip iske asyrý týraly kelisimder. Sonymen qatar Prezidenttiń memlekettik sapary aiasynda taǵy birqatar qujatqa qol qoiyldy.
Aita keteiik, buǵan deiin Prezident Qazaqstannyń Qatar naryǵyna jalpy quny 250 million dollar bolatyn 60 shikizattyq emes taýar túri boiynsha eksportty ulǵaitýǵa daiyn ekenin aitty.
