Qazaqstan Prezidentin Dohadaǵy «Hamad» halyqaralyq áýejaiynan Qatar Memleketiniń Ámiri sheih Támim ben Hamad Ál Táni qarsy aldy. Memleket basshysyn kútip alý kezinde Qurmet qaraýyly sap túzep turdy. Bul týraly Aqordanyń baspasóz qyzmeti habarlady.
Rásim aiaqtalǵannan keiin memleketter basshylary áýejaidyń mártebeli meimandar zalynda qysqasha pikir almasty.
Qasym-Jomart Toqaev erteń, 14 aqpan kúni Qatar Memleketiniń Ámiri sheih Támim ben Hamad Ál Tánimen jáne Premer-ministri sheih Muhammed ben Abdýlrahman Ál Tánimen kelissózder júrgizedi.
Kelissóz qorytyndysy boiynsha birqatar ekijaqty qujatqa qol qoiý josparlanyp otyr.
Sondai-aq Prezident qazaq-qatar investitsiialyq dóńgelek ústeline qatysady jáne osy eldiń biznes kapitandarymen birqatar kezdesý ótkizedi.
