Memleket basshysy Qarjy ministri Erulan Jamaýbaevty qabyldady, dep habarlaidy Aqordanyń resmi saity.
Qasym-Jomart Toqaevqa ministrliktiń 2020 jyly atqarǵan jumystarynyń nátijeleri, Prezident Joldaýynda qarjy salasyna qatysty aitylǵan tapsyrmalarynyń oryndalý barysy, vedomstvonyń aldaǵy negizgi mindetteri jaiynda baiandaldy.
Ministr biýdjettiń teń bólinýin qamtamasyz etý, salyq-keden ákimshiligin tsifrlandyrý, kóleńkeli ekonomikanyń kólemin azaitý, memlekettik aktivterdi basqarýdyń tiimdiligin arttyrý, satyp alý men memlekettik aýdit júielerin jetildirý týraly aitty.
Memleket basshysy úsh jyldyq respýblikalyq biýdjetti ońtailandyrýǵa jáne sapaly ázirleýge qatysty birqatar tapsyrma berdi. Qasym-Jomart Toqaev salyq-keden ákimshiligin tsifrlandyrý jumysyn tolyq oilastyryp, belgilengen merzimde oryndaýdyń mańyzdylyǵyn atap ótti.
Prezident memlekettik satyp alý týraly zańnamany jetildirý qajettigine toqtaldy. Onyń aitýynsha, usynylyp otyrǵan barlyq jańa zańnamalyq bastamalar ábden pysyqtalýy tiis.
Qasym-Jomart Toqaev memlekettik aýditorlyq qyzmet tiimdi bolýy qajet jáne resmi organdardyń negizsiz biýdjettik shyǵyndaryn anyqtap, onyń aldyn alý sharalaryna basa mán berýi kerek dep sanaidy.
