QR Qarýly kúshteriniń basty mindeti – elimizdiń aýmaqtyq tutastyǵyn, táýelsizdigin jáne azamattarymyzdyń tynyshtyǵyn saqtaý. Bul týraly QR Prezidenti Qasym-Jomart Toqaev aitty, dep habarlaidy "Ult aqparat".
«QR Qarýly kúshteriniń bitimgershilik bólimshesiniń aldynda sóilegen sózimde zamanaýi aimaqtyq qaqtyǵystardy baǵalaý kezinde BUU Bas Assambleiasy men Qaýipsizdik keńesiniń qararlaryn basshylyqqa alý kerek ekenin aittym.
Qaqtyǵystar BUU Jarǵysynyń eki qaǵidaty – memleketterdiń aýmaqtyq tutastyǵy men ulttardyń óz taǵdyryn ózi tańdaý quqyǵy arasyndaǵy qarama-qaishylyqty aiqyndap berdi. Búginde álem óziniń damý baǵytyn anyqtap aldy, iaǵni, memlekettiń territoriialyq tutastyǵyna basymdyq beriledi. QR Qarýly kúshteriniń basty mindeti – elimizdiń aýmaqtyq tutastyǵyn, táýelsizdigin jáne azamattarymyzdyń tynyshtyǵyn saqtaý», - jazdy Prezident twitter paraqshasynda.
Eske salsaq, Memleket basshysy Almaty oblysyna jumys saparymen baryp, keshendi bitimgershilik oqý-jattyǵý jiynyna qatysyp, sóz sóiledi.
Sondai-aq, Qasym-Jomart Toqaev qazaqstandyq bitimgershilik daiarlyq oqý ortalyǵyna joǵary baǵa berdi.
