Qazaqstan Prezidenti Qasym-Jomart Toqaev shaǵyn jáne orta bizneske qatysty qatań karatindik sharalardyń tiimdiligin zerdeleýdi tapsyrdy, dep habarlaidy Sputnik Qazaqstan.
Memleket basshynyń aitýynsha, búginde shaǵyn jáne orta biznes baiaý damyp jatyr. Al karantindik shekteýler kásipkerlikti shektep qana qoimai, biznes pen memleket arasyndaǵy ózara senimdi tómendetedi.
"Aitpaqy, "Omikron" formasyndaǵy kovid jalpyǵa ortaq qubylysqa ainalyp bara jatqan siiaqty. Onymen kóbisi aýyryp shyǵatyn shyǵar. Biz osyndai sheshimge keldik. Olai bolsa, shaǵyn jáne orta bizneske qatysty qatań karantindik sharalar, ásirese, qyzmet kórsetý salasy úshin qanshalyqty tiimdi bolady? Odan naqty nátije shyǵa ma?" – dedi Toqaev kásipkerlermen bolǵan kezdesýde.
Memleket basshysy bizneske qatysty karantindik shekteýlerdi qaita qaraýdy usyndy. Úkimet tiisti sheshim jasaýy kerek.
"Shaǵyn jáne orta biznesti tunshyqtyryp qaitemiz? Barlyǵyna birdei jaǵdai jasaý kerek qoi", - dep atap kórsetti Prezident.
