Memleket basshysy Qasym-Jomart Toqaev Qaraǵandydaǵy birqatar sport nysanyn aralap kórdi, dep habarlaidy Aqorda.
Qazaqstan Prezidenti Qaraǵandy qalasyndaǵy jańadan salynǵan tennis ortalyǵynyń jumysymen tanysty. Ortalyqta bir mezgilde 650 bala jattyǵa alady.
Nysannyń infraqurylymy álemniń eń ozyq standarttaryna sai keledi. Munda 11 kort bar, onyń 7-ýi jabyq. Sonymen qatar jalpy jáne arnaiy dene shynyqtyrý jumystaryna arnalǵan zaldar bar.
Qasym-Jomart Toqaevqa ortalyqtyń tehnikalyq jabdyqtalýy týraly egjei-tegjeili baiandaldy. Atap aitqanda, ortalyq ATP/WTA Challenger deńgeiindegi álemniń úzdik 100 oiynshysy qatysatyn halyqaralyq jáne respýblikalyq tennis jarystaryn ótkizýge, sondai-aq, otandyq sportshylardyń kásibi sheberligin shyńdaýǵa múmkindik jasalǵan.
– Qala ómirindegi osyndai mańyzdy nysannyń paidalanýǵa berilýimen quttyqtaimyn. Biz qazir buqaralyq sportty damytýdy maqsat etip otyrmyz. Myna sport ortalyǵy barlyq balalardyń úlken tennispen shuǵyldanyp, densaýlyǵyn kúsheitýge múmkindik beredi. Bul kópjaqty ári yńǵaily nysan. Osy múmkindikti paidalana otyryp, Qazaqstan tennis federatsiiasynyń prezidenti Bolat Jámishuly Ótemuratovqa rizashylyǵymdy bildiremin, – dedi Memleket basshysy.
Ortalyqtyń jalpy kólemi 7,8 myń sharshy metrdi quraidy. Onda májilis zaly men 2 kafeterii jáne qonaq úi kesheni bar.
Shahar sharýashylyǵyn damytýdyń úzdik álemdik tájiribelerine sáikes tennis ortalyǵynyń ainalasyndaǵy 1,5 gektar aýmaq tolyǵymen abattandarylyplyp, kógaldandyrylǵan. Nysan qurylysyna jeke investorlar 2,4 mlrd teńge kólemindegi qarajat salǵan.
Qazaqstannyń tennis federatsiiasy ortalyqty ádistemelik turǵydan qamtamasyz etip, operatsiialyq basqarý qyzmetin úilestiredi.
Sonymen qatar Qazaqstan Prezidenti Ústel tennisi ortalyǵynyń jumysymen tanysty. Jańadan ashylǵan sport nysanynda 18 ústelge arnalǵan oiyn zaly, 9 tennis ústeli ornalasqan jattyǵý zaly, meditsina jáne massaj kabinetteri, jattyǵý zaly, ákimshilik ǵimaraty, tóreshiler men bapkerlerdiń bólmeleri, májilis zaly men VIP-oryndar bar.
Zamanaýi ústel tennisi ortalyǵynyń ashylýy oqý-jattyǵý jumystaryn sapaly ótkizýdi qamtamasyz etýge, sondai-aq, respýblikalyq jáne halyqaralyq deńgeidegi jarystardy joǵary deńgeide ótkizýge múmkindik beredi. Bul óz kezeginde el sportshylarynyń sheberligin shyńdaýǵa yqpal etedi. Ortalyqta kúnine 400 adam ústel tennisin oinai alady.
Memleket basshysy buqaralyq sportty damytýdyń, dene shynyqtyrýmen jáne sportpen ainalysatyn halyqtyń sanyn arttyrýdyń mańyzdylyǵyn atap ótti. Sonymen qatar Prezident atalǵan ortalyqtyń salaýatty ómir saltyn nasihattaýǵa, aimaqtaǵy ústel tennisimen shuǵyldanatyn adamdardyń qataryn arttyrýǵa jáne ony damytýǵa zor yqpal etedi dep senim bildirdi.
– Bul tek jattyǵyp qana qoimai, halyqaralyq jarys ótkizýge barlyq jaǵdai jasalǵan ádemi ortalyq eken. Ústel tennisiniń prezidenti Daniiar Ábilǵazinge, Qaraǵandy oblysynyń ákimi Jeńis Qasymbekke, Qazaqstannyń ústel tennisinen bas bapkeri Elmira Álievaǵa alǵys aitqym keledi. Bolashaqta úlken jeńiske jetesizder dep úmittenemin. Kóp jattyqsańyzdar, jetistik te mol bolady, – dedi Qasym-Jomart Toqaev.
Ortalyq qurylysyna Qazaqstan Respýblikasynyń Ústel tennisi federatsiiasy 1 mlrd 950 mln teńge qarjy jumsaǵan.
Biyl Qaraǵandy oblysynda 85 sport nysany paidalanýǵa beriledi dep josparlanǵan.
