Prezident Qasym-Jomart Toqaev Qaraǵandy oblysynyń ákimi Jeńis Qasymbekti qabyldady, dep habarlaidy Aqorda.
Qasym-Jomart Toqaev jyl basynan bergi aimaqtyń áleýmettik-ekonomikalyq damýynyń negizgi kórsetkishteri týraly Jeńis Qasymbektiń esebin tyńdady.
Memleket basshysyna qaita óńdeý jáne taý-ken ónerkásibi, aýylsharýashylyǵy óndirisindegi oń ózgeris, astyq jinaý naýqany týraly málimet berildi.
Sonymen qatar Qasym-Jomart Toqaevqa jylytý maýsymyna daiyndyq jáne Jumyspen qamtýdyń jol kartasyn júzege asyrý barysy, turǵyn úi jáne infraqurylymdyq qurylys týraly aqparat berildi.
Prezidentke oblystaǵy koronavirýs indetiniń aldyn alý jáne oǵan qarsy is-qimyl sharalary, pandemiianyń bolýy yqtimal ekinshi tolqynyna daiyndyq jaǵdaiy da aityldy. Jeńis Qasymbek meditsinalyq infraqurylymdar men dárigerlerdi daiarlaý jumystary týraly aityp berdi.
Kezdesý sońynda Qasym-Jomart Toqaev Jumyspen qamtýdyń jol kartasy boiynsha jańa jumys oryndaryn ashý, óńirge investitsiia tartý jáne basqa da aimaqty damytýǵa qatysty birqatar tapsyrma berdi.
