Foto: Akorda.kz
Qasym-Jomart Toqaev Qazaqstan Respýblikasy Prezidenti teleradiokesheniniń quramyna kiretin «Jibek Joly» telearnasynyń jańa apparattyq-stýdiialyq keshenin aralap kórdi, dep habarlaidy "Ult aqparat" Aqordanyń baspasóz qyzmetine silteme jasap.
Memleket basshysyna álemdik standartqa sai habar taratatyn jáne kamera-robottarmen jabdyqtalǵan jańa zamanaýi stýdiia tanystyryldy.
Prezidentke Telereadiokeshenniń Bas direktory Raýshan Qajybaeva Ultra HD formatynda laif rejimde habar taratýǵa múmkindik beretin, joǵary tehnologiialyq zamanaýi quraldar qoldanylǵan stýdiia jabdyqtaryn kórsetti.
Telearna bes tilde habar taratady. Jańalyqtar stýdiiasy ilespe aýdarma jasai otyryp, tikelei efirde jumys isteidi.
Qasym-Jomart Toqaev buqaralyq aqparat quraldary ókilderi jumysynyń mańyzdylyǵyn jáne olardyń kásibiligin atap ótti. Prezident telearna ujymyna alǵys aityp, qyzmetkerlerge shyǵarmashylyq tabys tiledi.
