Foto: Aqorda
Qasym-Jomart Toqaevtyń aitýynsha, Izrail Parlamenti spikeriniń Qazaqstanǵa sapary qazaq-izrail qarym-qatynasyn nyǵaitýǵa eki eldiń de beiil ekenin rastaidy. Memleket basshysy ekijaqty yntymaqtastyqtyń perspektivasyn qarastyrý turǵysynan bul sapardyń máni zor dep sanaidy.
Kezdesýde saýda-ekonomikalyq seriktestikke basa nazar aýdaryldy.
Sonymen qatar sý resýrstary salasyndaǵy kooperatsiia máselesi talqylandy. Qasym-Jomart Toqaev Izrailde jasalǵan ozyq tehnologiialarǵa joǵary baǵa berip, elimiz atalǵan baǵytta seriktestik ornatýǵa ázir ekenin rastady.
Amir Ohana qonaqjailyq tanytqany úshin Qazaqstan Prezidentine alǵys aitty. Ol eki eldiń kópjosparly bailanystarynyń tabysty damyp, yqpaldastyqtyń jańa múmkindikterine jol ashyp kele jatqanyna toqtaldy.
