Memleket basshysy Islam damý bankiniń prezidenti Muhammed Sýleiman Ál-Djasserdi qabyldady, dep habarlaidy Aqordanyń baspasóz qyzmeti.
Prezident Qasym-Jomart Toqaev Islam damý bankiniń basshysy Muhammed Sýleiman Ál-Djassermen ekonomikanyń túrli salalaryndaǵy birqatar birlesken jobalardyń júzege asyrylý barysyn talqylady.
Memleket basshysy Qazaqstannyń TMD elderi ishinde Islam damý bankimen seriktestik baǵdarlamasyn birinshi bolyp ázirlegen el ekenin eske saldy. Almatyda 25 jyldan astam ýaqyt buryn ornalasqan aimaqtyq keńse Shyǵys Eýropa elderinde, TMD, Monǵoliia jáne Qytaida bank operatsiialaryn úilestiredi. Bul Qazaqstan men Islam damý banki arasyndaǵy joǵary mańyzdylyq pen ózara senimdi qarym-qatynasty bildiredi.
– Biz Banktiń Qazaqstan ekonomikasyna kóp jyldan beri kórsetip kele jatqan qoldaýyn joǵary baǵalaimyz. Islam damý banki yntymaqtastyq ornatqan jyldar ishinde elimizdegi ekonomikanyń basym sektorlary men áleýmettik jobalarǵa 1,6 milliard dollardan astam investitsiia saldy, – dedi Memleket basshysy.
Ál-Djasser Memleket basshysyna Banktiń investitsiialar salasyndaǵy saiasat jáne aldaǵy kezeńdegi josparlary jóninde aitty. Onyń aitýynsha, Islam damý banki biznes, qarjy salalaryndaǵy jobalarǵa, sondai-aq infraqurylym men kommýnikatsiialardy jańǵyrtýǵa qarajat bólýdi jalǵastyrýǵa nietti.
