QR Prezidenti janyndaǵy Qazaqstan Strategiialyq zertteýler institýtynyń áleýmettik-saiasi zertteýler bóliminiń basshysy Indira Rystina Qasym-Jomart Toqaevtyń prezidenttiginiń eki jyly jóninde pikir bildirdi, dep habarlaidy QazAqparat.
2019 jylǵy 12 maýsymda Qasym-Jomart Toqaevtyń QR Prezidenti qyzmetine resmi kirisý rásimi ótken edi.
«Prezidenttik qyzmettegi eki jyl saýda soǵystary men korona daǵdarysynan týyndaǵan álemdik ekonomikada ǵana emes, iri oqiǵalar toly el ishinde de qiyn boldy. Jahandyq saiasi jáne ekonomikalyq daǵdarystar aiasynda elge reformalar qajet boldy, olardy Prezident kezeń-kezeńimen júzege asyrdy. Barlyq iske asyrylyp jatqan bastamalardyń negizinde – halyq pen onyń ál-aýqaty jatyr. El basshylyǵynyń ózgerýi saiasi baǵytty saqtai otyryp, basqarý stiliniń ózgerýin bildirdi. Jańa Prezident eldi ári qarai damytý tásilderin ózgertti, qazirgi zamanaýi jaǵdailarǵa sáikes keletin saiasi, áleýmettik jáne ekonomikalyq reformalar qajet boldy. Memleket pen qoǵam arasyndaǵy ózara qarym-qatynastyń jańa formalaryn qurý qajet boldy», - deidi sarapshy.
Onyń aitýynsha, saiasi, áleýmettik jáne ekonomikalyq mindetterdiń úlken bóligin halyqaralyq mańyzy bar qoǵamdyq densaýlyq saqtaý salasyndaǵy tótenshe jaǵdai – koronavirýs pandemiiasy, 2019 jylǵy maýsymdaǵy Arys qalasyndaǵy jarylystar, 2020 jylǵy mamyrdaǵy Maqtaral aýdanyndaǵy sý tasqyny, 2020 jylǵy aqpandaǵy Jambyl oblysy Qordai aýdanyndaǵy oqiǵalar jáne 2020 jylǵy shildedegi Qaraǵandy oblysy Sátbaev qalasyndaǵy oqiǵalar siiaqty iri daǵdarystar kezinde iske asyrý qajet boldy.
«Eldegi osy jáne basqa da kóptegen oqiǵalar Prezidenttiń jeke qatysýymen sheshildi jáne olar saiasi kommýnikatsiianyń bar ekenin kórsetti jáne «halyq únine qulaq asatyn memleket» ideiasyn kórsetti. Q. Toqaev qyzmetke kirisken sátten bastap óziniń sailaýaldy baǵdarlamasynda belgilengen saiasi baǵyttyń negizgi qaǵidattaryn: sabaqtastyqty, ádildikti jáne progresti iske asyra bastady. Sabaqtastyq Elbasynyń negizgi baǵytyn qoldaýdan jáne qoǵamnyń odan ári damýyna yqpal etetin barlyq memlekettik baǵdarlamalardy jalǵastyrýdan kórinedi. Ádildik barlyq azamattardyń áleýmettik, etnikalyq, dini jáne basqa da qatystylyǵyna qaramastan quqyqtarynyń teńdigin qamtamasyz etýde jáne barlyǵyna jeke tabysqa jetý úshin teń múmkindikter jasaýda júzege asyrylady», - deidi I. Rystina.
Q. Toqaevtyń jańa saiasi baǵytynyń negizgi tezisteri onyń Joldaýlarynda, reformalar jónindegi Joǵary keńestiń, Ulttyq qoǵamdyq senim keńesiniń otyrystarynda jáne «Táýelsizdik bárinen qymbat» maqalasynda kórinis tapty.
«Ulttyq qoǵamdyq senim keńesinde ótken is-sharalardyń qorytyndysy boiynsha keńes músheleri tarapynan usynystar jinaqtalyp, odan ári jumys isteý úshin QR Prezidenti ákimshiligine berildi, olardyń kópshiligi saiasi reformalar sheńberinde iske asyryldy. Saiasi reformalardy júrgizý protsesi úsh paketten turady. Búgingi tańda saiasi reformalardyń birinshi paketi tolyǵymen júzege asyryldy», - deidi I. Rystina.
