قر پرەزيدەنتٸ جانىنداعى قازاقستان ستراتەگييالىق زەرتتەۋلەر ينستيتۋتىنىڭ ەلەۋمەتتٸك-ساياسي زەرتتەۋلەر بٶلٸمٸنٸڭ باسشىسى ينديرا رىستينا قاسىم-جومارت توقاەۆتىڭ پرەزيدەنتتٸگٸنٸڭ ەكٸ جىلى جٶنٸندە پٸكٸر بٸلدٸردٸ, دەپ حابارلايدى قازاقپارات.
2019 جىلعى 12 ماۋسىمدا قاسىم-جومارت توقاەۆتىڭ قر پرەزيدەنتٸ قىزمەتٸنە رەسمي كٸرٸسۋ رەسٸمٸ ٶتكەن ەدٸ.
«پرەزيدەنتتٸك قىزمەتتەگٸ ەكٸ جىل ساۋدا سوعىستارى مەن كورونا داعدارىسىنان تۋىنداعان ەلەمدٸك ەكونوميكادا عانا ەمەس, ٸرٸ وقيعالار تولى ەل ٸشٸندە دە قيىن بولدى. جاھاندىق ساياسي جەنە ەكونوميكالىق داعدارىستار اياسىندا ەلگە رەفورمالار قاجەت بولدى, ولاردى پرەزيدەنت كەزەڭ-كەزەڭٸمەن جٷزەگە اسىردى. بارلىق ٸسكە اسىرىلىپ جاتقان باستامالاردىڭ نەگٸزٸندە – حالىق پەن ونىڭ ەل-اۋقاتى جاتىر. ەل باسشىلىعىنىڭ ٶزگەرۋٸ ساياسي باعىتتى ساقتاي وتىرىپ, باسقارۋ ستيلٸنٸڭ ٶزگەرۋٸن بٸلدٸردٸ. جاڭا پرەزيدەنت ەلدٸ ەرٸ قاراي دامىتۋ تەسٸلدەرٸن ٶزگەرتتٸ, قازٸرگٸ زاماناۋي جاعدايلارعا سەيكەس كەلەتٸن ساياسي, ەلەۋمەتتٸك جەنە ەكونوميكالىق رەفورمالار قاجەت بولدى. مەملەكەت پەن قوعام اراسىنداعى ٶزارا قارىم-قاتىناستىڭ جاڭا فورمالارىن قۇرۋ قاجەت بولدى», - دەيدٸ ساراپشى.
ونىڭ ايتۋىنشا, ساياسي, ەلەۋمەتتٸك جەنە ەكونوميكالىق مٸندەتتەردٸڭ ٷلكەن بٶلٸگٸن حالىقارالىق ماڭىزى بار قوعامدىق دەنساۋلىق ساقتاۋ سالاسىنداعى تٶتەنشە جاعداي – كوروناۆيرۋس پاندەميياسى, 2019 جىلعى ماۋسىمداعى ارىس قالاسىنداعى جارىلىستار, 2020 جىلعى مامىرداعى ماقتارال اۋدانىنداعى سۋ تاسقىنى, 2020 جىلعى اقپانداعى جامبىل وبلىسى قورداي اۋدانىنداعى وقيعالار جەنە 2020 جىلعى شٸلدەدەگٸ قاراعاندى وبلىسى سەتباەۆ قالاسىنداعى وقيعالار سيياقتى ٸرٸ داعدارىستار كەزٸندە ٸسكە اسىرۋ قاجەت بولدى.
«ەلدەگٸ وسى جەنە باسقا دا كٶپتەگەن وقيعالار پرەزيدەنتتٸڭ جەكە قاتىسۋىمەن شەشٸلدٸ جەنە ولار ساياسي كوممۋنيكاتسييانىڭ بار ەكەنٸن كٶرسەتتٸ جەنە «حالىق ٷنٸنە قۇلاق اساتىن مەملەكەت» يدەياسىن كٶرسەتتٸ. ق. توقاەۆ قىزمەتكە كٸرٸسكەن سەتتەن باستاپ ٶزٸنٸڭ سايلاۋالدى باعدارلاماسىندا بەلگٸلەنگەن ساياسي باعىتتىڭ نەگٸزگٸ قاعيداتتارىن: ساباقتاستىقتى, ەدٸلدٸكتٸ جەنە پروگرەستٸ ٸسكە اسىرا باستادى. ساباقتاستىق ەلباسىنىڭ نەگٸزگٸ باعىتىن قولداۋدان جەنە قوعامنىڭ ودان ەرٸ دامۋىنا ىقپال ەتەتٸن بارلىق مەملەكەتتٸك باعدارلامالاردى جالعاستىرۋدان كٶرٸنەدٸ. ەدٸلدٸك بارلىق ازاماتتاردىڭ ەلەۋمەتتٸك, ەتنيكالىق, دٸني جەنە باسقا دا قاتىستىلىعىنا قاراماستان قۇقىقتارىنىڭ تەڭدٸگٸن قامتاماسىز ەتۋدە جەنە بارلىعىنا جەكە تابىسقا جەتۋ ٷشٸن تەڭ مٷمكٸندٸكتەر جاساۋدا جٷزەگە اسىرىلادى», - دەيدٸ ي. رىستينا.
ق. توقاەۆتىڭ جاڭا ساياسي باعىتىنىڭ نەگٸزگٸ تەزيستەرٸ ونىڭ جولداۋلارىندا, رەفورمالار جٶنٸندەگٸ جوعارى كەڭەستٸڭ, ۇلتتىق قوعامدىق سەنٸم كەڭەسٸنٸڭ وتىرىستارىندا جەنە «تەۋەلسٸزدٸك بەرٸنەن قىمبات» ماقالاسىندا كٶرٸنٸس تاپتى.
«ۇلتتىق قوعامدىق سەنٸم كەڭەسٸندە ٶتكەن ٸس-شارالاردىڭ قورىتىندىسى بويىنشا كەڭەس مٷشەلەرٸ تاراپىنان ۇسىنىستار جيناقتالىپ, ودان ەرٸ جۇمىس ٸستەۋ ٷشٸن قر پرەزيدەنتٸ ەكٸمشٸلٸگٸنە بەرٸلدٸ, ولاردىڭ كٶپشٸلٸگٸ ساياسي رەفورمالار شەڭبەرٸندە ٸسكە اسىرىلدى. ساياسي رەفورمالاردى جٷرگٸزۋ پروتسەسٸ ٷش پاكەتتەن تۇرادى. بٷگٸنگٸ تاڭدا ساياسي رەفورمالاردىڭ بٸرٸنشٸ پاكەتٸ تولىعىمەن جٷزەگە اسىرىلدى», - دەيدٸ ي. رىستينا.
