QR Prezidenti Nursultan Nazarbaev Áset Isekeshevtiń Astana ákimdigine birshama daiyndyqpen kelgenin aitty, dep habarlaidy QazAqparat.
«Áset Orentaiuly edáýir tájiribe jinaqtady, kóp jyldar boiy ministrlikte qyzmet etti. Osy tájiribeni alyp, qala basshysy retinde qashan kórsetetinińdi kúttim», - dep atap ótti Elbasy EKSPO kórmesine daiyndyq jumystaryn pysyqtaýǵa arnalǵan jiynda.
Osydan soń Prezident Astanada mádeniet jáne sport nysandary bos turǵanyn aityp, Astana ákimin, Mádeniet jáne sport ministrin synǵa aldy.
«Qanshama mádeniet, sport nysandary bar, ony eshkim basqaryp jatqan joq, qańyrap bos tur, aqsha tappaidy. Biýdjettik qarajatqa qarap otyr. Batystyń arnaiy kompaniialarynyń basqarýyna berińizder. Usynystar bar emes pe? Biregei, úlken sport keshenderi, teatrlar salyndy. Osynda syrttan adamdar kelýi tiis, jarystar, kontsertter ótýi kerek. Eshkim ainalysyp jatqan joq. Barlyǵy memlekettiń qamtýynda tur. Arystanbek, ne isteimiz?», - dep surady Prezident QR Mádeniet jáne sport ministri Arystanbek Muhamediulyna qaratyp aitqan sózinde.
Óz kezeginde, Mádeniet jáne sport ministri mádeniet nysandary 99 protsentke toly ekendigin jáne EKSPO sharalaryna biletter az qalǵanyn alǵa tartty.
