QR Prezidenti Qasym-Jomart Toqaevtyń synynan keiin megapoliste aǵash otyrǵyzý týraly jarnama jasalǵan joq. Bul týraly ákimdikte ótken baspasóz máslihatynda Almaty qalalyq jasyl ekonomika basqarmasynyń bastyǵy Erjan Seitenov aitty, dep habarlaidy "Ult aqparat".
«Syn aǵash otyrǵyzý jumysyna emes, jaýapsyzdyqqa bailanysty aityldy. Iaǵni, qalyp qalǵan kóshetterdi meńzedi. Negizi biz aǵash kóshetterin tastaǵan joqpyz, bárin otyrǵyzdyq. Kóktemde taǵy da egýge bolady. Kóshetterdiń bári tiri. Jaqynda taǵy jańa aǵash kóshetterin otyrǵyzdyq. Buǵan deiin BAQ betterinde jaǵymsyz pikirler aitylǵandyqtan biz jarnama jasamadyq», - dedi Erjan Seitenov brifingte.
Onyń aitýynsha, biyl qalada 120 myńǵa jýyq aǵash otyrǵyzyldy.
«Atletikalyq aýyl» yqshamaýdanynyń boiynda 2000-ǵa jýyq, Alataý teatrynyń mańynda 1100-ge jýyq, Saialy yqshamaýdanynda 2000-ǵa jýyq aǵash otyrǵyzyldy. Saialy-2 yqshamaýdanyna qaiyń otyrǵyzdyq. Meniń oiymsha, bul bárine unady. Ol aýdanda jer ýchaskesi jetkilikti. Biz oǵan 1000 dana qaiyń aǵashyn qostyq. Bul jumystar kóktemde jalǵasady. Jetisý aýdanyn da qamtydyq. Otyrǵyzylǵan aǵashtardyń barlyǵyna eki jylǵa kepildik berilgen»,- dedi Erjan Seitenov
Eske salaiyq, jaqynda Almatyǵa jumys saparymen kelgen Qazaqstan Prezidenti Almaty ákiminiń birinshi orynbasary Erlan Qojaǵapanovqa Kóktóbede kóshetter qalyp qoiǵany úshin sógis jariialady.
