Foto: Aqorda
Qasym-Jomart Toqaev Memlekettik keńesshi, Parlamenttik reforma jónindegi jumys tobynyń jetekshisi Erlan Qarindi qabyldap, atqarylyp jatqan jumystardyń aralyq nátijelerimen tanysty dep habarlaidy Ult.kz.
Erlan Qarinniń aitýynsha, e-Otinish platformasy men Egov servisinde «Parlamenttik reforma» bólimi iske qosylǵaly beri bir ai ishinde azamattar men qoǵam belsendilerinen 300-ge jýyq usynys kelip túsken.
Sonymen qatar alty saiasi partiia — «Amanat», «Aýyl», «Aq jol», «Respublica», Qazaqstan Halyq partiiasy jáne JSDP — óz usynystaryn joldaǵan. Onda bir palataly parlament modeli, parlamenttik partiialardyń ókilettigi jáne zań shyǵarý tetikterine qatysty usynystar qamtylǵan.
Jumys toby saraptamalyq materialdar daiyndap, barlyq usynysty taldaý jáne júieleý protsesin bastap ketti. Ekinshi otyrys 2 jeltoqsanda ótedi. Onda usynystar baǵyttar boiynsha jan-jaqty qarastyrylmaq.
Prezident aldaǵy parlamenttik reformanyń eldegi saiasi jańǵyrýdyń jańa kezeńi bolatynyn atap ótti.
Qasym-Jomart Toqaev barlyq bastamany muqiiat saralap, olardyń negizinde parlamenttik júieni jańǵyrtýǵa arnalǵan naqty usynymdar ázirleýdi tapsyrdy.
